|
|
|
Arhavi'den Lazca şiir ve destanlar
Ela komoğti ela
Enna var mogalase ,
O galat’u galat’u
Çkimde var mogalase.
Sifteyişe gebulu
Nena momçi mebulu
E bozo skanişeni
P’anda çveyi gobulu.
Rak’aniz mo geladgin
Seyi si h’fala , h’fala
Var meçayiz bozo skanda
Var malen skani k’ala.
Ump’az mu dologicin
Muço zuğaş kfançala
Sevdaçkimi hagren hag
Heşo muço barbalam.
Ma şkuyini var miğun
Metk’oçi, bimc’up’ala.
Anonim
= = = = = =
Yeşili gomiyoni,
Mati mendemiyoni
Ma duyla var mağenen,
H’anumi gomiyoni.
At’inaşi minare,
E bozo si k’copare
Nanaskanig var momçu,
Babaskani p’ilare
Hayde e bozo mota,
Handğa kod odu tuta
Bigzalat oh’oyişe,
Egonta do gegonta.
Anonim
= = = = = = = = = = = = = = =
Ordo ordo k’art’ali momiç’ari,
K’ayi nena tişek’ele noç’ari,
Si noğayi ma dobivi orç’ayi,
Ordo mak’ith’asen sevgyuli ç’kimi
So idi gonduni ,adres var giğuni,
Nak’o giç’vi si ğnosi vargiğuni,
Ma dido gağ’veç’i kabahati miğuni,
Günağ’i divase bela gavaz ağnosi.
Hüseyin Görel
Küçükköy /ARHAVİ
GELİN KAYNANA ATIŞMASI
Çayi pc’ilompt meciten
T’ik’inaten beziten.
Mçima şeth’i ini t’uç’a
H’elaliyen haşo nusa.
Çayi dido vartaşi
Kogeboç’k’it laklakişe.
Damtiyepe , nusalepe
Ok’oboncamt bedelepe.
Boh’çalepe ezdu dodu
Var içoden dedik’odu.
Damtiyeti konirç’ak’u
Drap’aniti kodikaçu.
Kodolobğu t’ik’inaşe
Munth’a ivasen ivase.
Açkfa boh’ça koyucinu
Nusa yeyiz kelicinu.
Hek’o koçi nik’açeni.
Haç’i nusa ikaçeni.
Uru uru, tok’i keç’ku
Toli odu nuk’u eç’k’u.
Damtiyeti kogamah’tu
Kalati tiz kogamamğu.
Oğorcati kelicinu
Nusa jindol komacinu.
Var gaciyen hint k’umaşi
Var gah’enen vartaşi.
Mtel fuzuli tartalaşi
Kata şeyiz antalaşi.
Nuğondore oğorca si
Tatli dildur işin başi.
Nihat Çakmakçı
Kemerköprü köyü ARHAVİ
SİCALEPEŞİ DESTANI
Yoyi nana h’olo komoh’tu yazi
Noderepe ivasen bazi bazi
Kimik yazma kimik moytvasen k’azi
Pukuraşen duzluği dadiçkimi.
Kimi tenbeliren , beliz gyaçaben
Ondğeneyi gyayişe muço daçaben
K’inoni h’ez bureği kogaçaben
P’anda sarma diveni dadiçkimi
Laziztaniz var giğunan çkar nosi
Sica k’oçi oh’oyi gamakosu
Var gaçaşi goykta gekçasen kusi
Eloğliyen giçkitaz dadiçkimi.
Çkar oh’oyiz var geloçanz do k’uzi
Sica deyi ko noh’edunan p’urzi
Var ikith’en pah’ali do ucuzi
Veresiye kort’aşi dadiçkimi.
Esnafikti arişi jur noçaramz
Sermayezti faizi eluçaramz
Badiskaniz k’artali konuç’aramz
Borci giğun deyine dadiç’kimi.
Badiskanik kartali ikith’aşi
Ar c’irati jur p’iciz h’e montğaşi
Kata h’aftaz bureği kogoyğaşi
Elbet borci iç’aren dadiçkimi.
Badi elah’edaz kerençi h’oraz
Sica t’uça bureğ’iz kamuh’edaz
Noğ’amisa ar ğ’ormaz konoh’edaz
İh’osaraz k’ayi giç’onz dadiçkimi.
Sicaşeni damtiyez mu naç’aren
Konuçkinaz noğamisa ren mtini
Şa uçkini gyunaği na naçaren
Ğuraşkule cirasen dadiçkimi.
Sum c’anaren tipiz mundi busume
Gamablaşi kaburgaz h’e bisume
Ne k’aymakliz ne luz elebusume
Şuri stikan çayiten dadiçkimi.
Haşopeten moboga do sicaz çi
Megomskunan mşkeyişi biga eçi
Var yançuyi hemuz boz ona meçi
Sadrazami şarttuyi dadiçkimi.
Gondgineyi sicalepeşi kobra
Nuk’idare h’açi do ckayişi corba
Şar inciran k’ayi ducği do kobra
Dunyaz mutu var unonan dadiçkimi.
Duşuncete kemic’kindu eseri
Karfiz var gemaçen güli keseri
Badiçkimik mu ck’omu ya hamseri
Şa zop’onsi ey gidi dadiçkimi.
Na muzdasen mjati hemuz unt’alamz
Bere bari gemzuli kodutalamz
Muşe kalsa oncğore var gyutalamz
Sicamuşiz goladven dadiçkimi.
Nuri Duduşi (1885-1918)
ARHAVİ DESTANI
Ağustozi mulun atmacaş ora
Vamp’oromi kale bozo gyoz gyora
Vamp’oromna dotkfi ayce gobgora
Muço pa do so bida e verane.
C’kayiz yaniz golobitişi ğoma
Yaliz oc’k’erti do is’h’ont’i toma
Na idare yeriz mod eh’taz nk’oma
Muco p’a do so bida e verane.
Si mod doloh’et’i ont’uleş rubaz
Mebareyi mu dologicin ump’az
Gomdunare dolobanth’are tobaz
Muc’o p’a do so bida e verane.
Dido c’uta giğun si gyuli yaşi
Si mundez mavare ma arkadaşi
Jur toliz domaben ma iya yaşi
Muc’o p’a do so bida e verane.
Si minore sokşen moh’ti , noğaşen
Ğoma mu vi haç’ mu ikom ,mu varen
Cuma soren goyk’itğami , da soren
Muc’o p’a do so bida e verane.
İri gomdunit gamiçodit noğaşen
Bidat bciyat ğurepeşi mezari
Zengin bore , fak’ir bore mu k’ari
Muc’o p’a do so bida e verane.
Çku bicirat a kiyas ko geoğayi
Kayiten bicirat heya ren k’ari
Mja miğunan maya biğat mebuvat
Muc’o p’a do so bida e verane.
Yama koren h’areyiz gebuat
Didi k’ayaz malena te gebuğat
Ar ebza gelapçat,p’ote mebğurat
Muc’o p’a do so bida e verane.
Ha destani pçari mteli lazuri
Ma mutu var matkfen omapşu guri
Tangri çkimi kemiçopi ha şuri
Muc’o p’a do so bida e verane.
Coğo çkimiz başi “N” te niçaren
Haşo şeyi k’oçiz muç’o naç’aren
Guyik mirağumz k’alemik ti var çaramz
Muc’o p’a do so bida e verane.
Coğo çkimi iriz kuçkin, Naci’ ren
Ne seri do ne nğaleyi manciren
Bazi , bazi izmoceti mac’iren
Haşo gabgar giçkitaz e verane.
Ali Naci KUÇ’UĞİŞİ
OROPA
Sevdaluği geyiç’k’en oropaten
Sermaye var unon sade guyiten
Şa iveni hamdulya şa zoriten
Si domç’fi do domğali gül içkimi.
Ha destani giç’araye bgaraten
Ma niçe goptare guri yaraten
Dobğurana var bic’ire paraten
Si domç’fi do domğali gül içkimi.
Yaşar TURNA
= = = = = = = =
VAR İVEN GURİ SKANİ
Toma kçe omant’alu, ç’ana nulun içoden
Var iven guri skani, muçop’aten haşoten
Na giç’ari mektubi, ar cevap’i var momçi
Mi karbaz k’öyi skaniz, guyiz h’ami ko gemçi.
Boz oma oraneyi , mu ren merami skani
Razi var gaç’oph’eyi, nana do babaskani
Do hako mod megomskun, yazma eyak’ideyi
Ma nice gomoşkfare, Haşo ti gek’ideyi
Bozo skani ustune , gobulu seyi do seyi
İzmoce, skani k’ala, bistet’i k’atu steyi
Ma ğnosi omant’alu, haşopeten mu p’are
Artuk k’arar ko mepçi, boz o ma si k’çop’are.
Yaşar TURNA
= = = = = = = =
CİLVELO
Kale bozo meleni,
Mole var mogaleni,
Duzişi gegaperi,
Oktiz var gogaleni.
Kale bozo soniye,
Dido oroponiye ,
Jur gvaz kogogah’veti,
Dido t’olop’oniye.
Kale bozo meleni,
Mole var mogaleni,
Gaşkuyinen çkimişen,
Fğala var gogaleni.
Anonim
Derlemesi; Kemal ÖZBIYIK
Seri divu do mod gulu ğaliz,
Beşluğepe dologolasen aliz.
Dadi ma var bore, boreğiz dosti
Bozo ko momçi do, gomoc’ki posti.
Anonim
= = = = = = = = = =
P’anda bibgar ğnosiz kogamabulu,
Micoğuman ğnosişe var mobulu,
Gağfeçebu bozo muda varmulu,
Omç’k’omi do gemişkfi ğeciş bozo.
Aşık Osman NAMLI, Lome / ARHAVİ
= = = = = = = =
Gemzuli mod doğedi,
Kale bozo motali,
Hamseri mogiğtase,
Dadali do çançali.
Eğer mcudi giç’vi na,
Nuk’uz dolomonçkvali.
Nazmiye ÖZTÜRK’ün dedesi, torununu vereceği gün
ona söylemiş.
= = = = = = = = =
Ncaz geşağen gugulu,
Cuma P’ate duğuni,
Ncaz geşacin ç’anç’aği,
Cuma P’ate nikaği.
Ömer Sarıaltın
= = = = = = = = =
Yazi moğtu, t’ot’iz nth’iri diçanu,
Oropeyi gyuli varmemaç’aru,
Razi bore na Tangrik memoca’ru,
Ham dunyaz iri ko memaç’aru.
Emtiz eşebulu ok’ok’ateri,
Kesez var dosk’idu ok’ok’fateri,
Si na momçi uşkuri ok’ok’fateri,
Var maçk’omu gyuli guri t’ah’eri.
Mecit Şeker’in eşi Sazine, eşi için söylemiş
Kaynak kişi /Şefika ÖZBIYIK.
Yazı: Kemal Özbıyık
|
Karalahana Bağımsız Karadeniz Gazetesi'nden makaleler:
Karadeniz Bölgesi haberleri
|
Çay, Türkiye'de en çok tüketilen içeceklerden
biri. Ancak çayın sofralara nasıl ulaştığını
yöre insanları dışında pek bilen yok. İnce Belin
Buğusu: Çay belgeselinin yönetmeni İsmail
Şahinbaş ile konuştuk.
Çay Belgeseli söyleşisi
|
Lazca - Türkçe
Sözlük
Lazuri - Turkuli
Nenapuna
İsmail
A. Bucaklişi & Hasan Uzunhasanoğlu. Lazca - Türkçe sözlük'ün tamamı
alfabetik olarak word dosyası olarak indirilebilir.
A
l
B
l
C l
Ç
l
Ç'l
D l
E
l
F
l
G
l
Ğ
l
H l
İ
l
J
l
K l
K'l
Ll
M l
N l
O l
P l
P'
l
Q l
R
l
S l
Ş
l
Tl
T'
l
U
l
V l
X
l
Y l
Z l
Z'l
3
l
3'
l
Lazca filller l
| |
|
| |
